Разам - за моцную і здаровую сям'ю!
"Дзіця - люстэрка сям'і" - гэтыя мудрыя словы Сухамлінскага лепш за ўсё адлюстроўваюць сутнасць свята "Дзень Сям'і".
Дзень сям'і - гэта сапраўды асаблівае свята, поўнае цяпла, радасці і адчування блізкасці самых дарагіх людзей.
Сям'я - гэта наш асяродак, нашая апора і наш найвялікшы скарб.
У гэты дзень у нашым дзіцячым садку прайшло шмат мерапрыемстваў.
Асноўныя моманты свята:
*Гутаркі "Я люблю маму і тату", "Сям'я - гэта 7-Я" дапамаглі дзецям усвядоміць, як шмат значыць кожны член сям'і, гутарка "Мая дружная сям'я" дапамагла дзецям малодшых груп пазнаёміцца з каштоўнасцю сямейных адносін.
*Фотавыстава "Мая сям'я - мая краіна" аб'яднала пакаленні, нагадаўшы, што сям'я - гэта нашыя карані і крылы.
*Паштоўкі, створаныя дзіцячымі рукамі, сталі не проста падарункамі, а матэрыяльным увасабленнем любові.
*Дзеці з задавальненнем расказвалі пра сваіх блізкіх - гэта выклікае ў іх пачуццё прыналежнасці і цёплай сувязі з домам.
*Гулялі ў дыдактычныя гульні "Мая сям'я - мая краіна", "З кім я жыву", "Сямейныя каштоўнасці" і інш.
*Падрыхтавалі генеалагічныя дрэвы сваіх сем'яў.
*А яшчэ спявалі і танчылі.
Мы не проста арганізавалі мерапрыемствы - мы заклалі ў дзяцей каштоўнасці:
-павагу да традыцый (праз песні, гульні, прыказкі і прымаўкі";
-эмацыйную блізкасць (такія гульні, як "Ласкавыя словы", вучыць цёплай камунікацыі);
-творчую самавыяву (творчасць, танец, музыка).
Няхай у кожнай сям'і будзе мір, шчасце і ўзаемаразуменне!
