У нашай дашкольнай установе ўжо шмат гадоў існуе этнаграфічны музей “Спадчына” і куток дэкаратыўна-прыкладнога мастацтва “Горад майстроў”, якія выкарыстоўваюцца для далучэння дзяцей да спадчыны беларускага народа, у тым ліку розных форм фальклора. Другая гадавая задача на 2020/2021 навучальны год гучыць так: “Развіваць творчую актыўнасць дзяцей праз выкарыстанне розных відаў тэатра ў працэсе спецыяльна арганізаванай дзейнасці”. Таму ўзнікла неабходнасць стварэння тэатральнай студыі, у якой выхаванцы змаглі б фарміраваць і пашыраць уяўленні пра фальклорныя і літаратурныя творы розных жанраў у адпаведнасці з праграмай дашкольнай адукацыі. Зерне, трапляе ў жорны і адбываецца цуд: яно ператвараецца ў муку. Так і мы спадзяёмся, што дзейнасць тэатральнай студыі таксама стане цудам: дапаможа нам у выхаванні духоўна-маральных якасцей нашых выхаванцаў. Адсюль і ўзнікла назва тэатральнай студыі – “Жаронцы”. Кіраўніком тэатральнай студыі з’яўляецца музычны кіраўнік Глебік Таццяна Станіславаўна. У сваёй дзейнасці яна прытрымліваецца багатых народных традыцый тэатральна-гульнёвай дзейнасці пры арганізацыі працы тэатральна-харэаграфічнага гурта “Крынічка” (для выхаванцаў) і фальклорнага гурта “Вянок” (для педагогаў і бацькоў); пры пастаноўцы і правядзенні свят і забаў.
