У пачатку 2022/2023 навучальнага года ў нашай установе адукацыі быў створаны бацькоўскі клуб “Вясёлка”. Як сем колераў у вясёлцы, так і на кожным паседжанні клуба бацькі разам з дзецьмі стараюцца ўдзельнічаць у сямі відах дзейнасці: спяваюць беларускія народныя песні, драматызуюць казкі, знаёмяцца з традыцыйнымі танцамі, гуляюць у беларускія народныя гульні, выконваюць падарунакі для сябе ў традыцыйнай тэхніцы дэкаратыўна-прыкладнога мастацтва, спрабуюць нацыянальную ежу, знаёмяцца з забытымі побытавымі рэчамі. Святкаванне народных свят разам з бацькамі ў нашай установе стала добрай традыцыяй. Восенню святкуем "Багач", "Пакровы"; зімой - "Ражство", ладзім "Вячоркі"; вясной - "Гуканне вясны", "Вялікдзень"; летам - "Купалле".
