Паседжанне бацькоўскага клуба "Вясёлка", прысвечанае святу Дня абаронцаў Айчыны
Сёння ў нашым садку прайшло чарговае паседжанне бацькоўскага клуба "Вясёлка", прысвечанае святу Дня абаронцаў Айчыны.
Як заўсёды, разам з бацькамі і дзецьмі ўдзельнічалі ў сямі відах дзейнасці.
У рамках паседжання прайшла грамадзянска-патрыятычная акцыя "Ёсць такая прафесія - Радзіму абараняць!"
У святочным мерапрыемстве прынялі ўдзел курсанты і афіцэры Цэнтра падрыхтоўкі, павышэння кваліфікацыі і перападрыхтоўкі кадраў МВД Рэспублікі Беларусь.
Праваахоўнікі расказалі дзецям пра службу ў міліцыі і прывезлі салодкія падарункі.
Дзеці, у сваю чаргу, павіншавалі супрацоўнікаў святочнымі вершамі, песнямі і танцамі.
Калектыў садка і дзеці ў знак сяброўства, а таксама ў гонар 23 лютага, перадалі Цэнтру вышытага Анёла-ахоўніка.
Прыемным завяршэннем свята стала салдацкая каша, арганізаваная супрацоўнікамі Цэнтра.
